Pantun Minang Batuka Mode

Pantun nasihaik untuak dimanuangan bagi nan mudo mudo. Di cokok dari macam macam sumber. Untuang kok lai tapikia nasihaik dari pantun nan di ambiak dari dendang saluang ko.

Minangkabau di lingkuang bukik.
Ngarai nyo dalam kalo ba kalo.
Marapi Singgalang tagak manyalo.
Dulu nyo gadih lai balilik.
Kini lah ba baju singkek pulo.
malu jo raso lah ilang sajo.

Ranah disabuik urang di asah.
elok nagari dek pangulu.
elok tapian dek mudo mudo.
lengah sa ketek titian patah.
jalan di anjak urang lalu.
cupak di papek urang pangaleh.

Biaso kumbang mancari bungo.
Kini ko bungo mancari kumbang.
indak ta surek dalam adaik.
Kini bujang suko jo jando.
taraso lasuah bungo nan kambang.
indak mangana alua jo patuik.

Dulu nyo bujang lalok di surau.
rajin mangaji jo sumbayang.
sopan jo santun ka urang tuo.
dima lah kito indak ka risau.
gadih jo bujang suko bagadang.
nan urang gaek lah asik pulo.

Indak ta bedo di raso sakik.
sakik manikam ka ulu dado.
ubek di mintak ka padang panjang.
Gadih dahulu biaso ba pingik.
gadih jo bujang jarang basuo.
kasiah nan indak tampak dek urang.