Di padang baringin labek
Ba urek jauh di pusek bumi
Raso di hati lai bajawek
Sayang tumbuah cinto manjadi
Urek jauah dipusek bumi
hujan paneh batangguangkan surang
samo bana raso dihati
Namun bungo tatap balarangan
Ditangguang paneh indak takato
Daun basah ditimpo hujan
Apo bana panghalang cinto
Rumiklah badan ka mangotakan
Datang angin badan ndak goyah
Rantiang sabatang bia nyo larak
Bukan haram kasiah batali darah
Namun pantangan dalam ba syarak
Disabuik pulo angin limbubu
Alun ka rabah baringin nan ko
Bukan pulo kasiah sa suku
Indak pulo masalah harato
Urek tacabuik mangko nyo mati
Namun tagaknyo indak baganti
Adolah nasib ka jantuang hati
Sayang tapauik ka si Noni
Ditabang baringin mati
Rantiang diambiak ka tangkai pisau
Dibilang bana baa si Noni
Lai Sahati indak Sa-surau
Tapek pasang tangkai dihulu
Diujung pisau nan ma nyaik
sumbayang awak limo wakatu
Tiok jumaik ka musajik
Mangko paguno pisau batangkai
Nak nyo tangan usah tasaik
Musabab janji tapaso diungkai
Noni sumbayang tiok ari Akaik
Ba ukia tangkai kapalo nago
Urang mancaliak nak nyo sanang
tagantuang angan baduo
Salamaik tingga kasiah jo sayang
You must be logged in to post a comment.